ഒന്നാം ക്ളാസ്സിലെ ആനയും അടിയും
എസ്. സലിംകുമാർ
ആന പോയിക്കഴിഞ്ഞപ്പോൾ എല്ലാവരും കലപില ആനയെപ്പറ്റി പറഞ്ഞുകൊണ്ട് ക്ളാസ്സിൽക്കയറി. ചേന്നൻ സാർ ഓൾ സ്റ്റാൻഡ്, റൈറ്റ് ടേൺ , ഫ്രണ്ട് , ലെഫ്റ്റ് ടേൺ, ഫ്രണ്ട്, സിറ്റ് പറഞ്ഞു. ഓൾ സ്റ്റാൻഡ് പറഞ്ഞു.
കുട്ടികൾ എല്ലാവരും എഴുന്നേറ്റു നിന്നു.
എലാവരും ആനയെ കണ്ടോ ?
കണ്ടു. ഒറ്റശാബ്ദത്തിൽ അമ്പതോളം കുട്ടികൾ പറഞ്ഞു.
എല്ലാർക്കും ആനയെ ഇഷ്ടപ്പെട്ടോ?
ഇഷ്ടപ്പെട്ടു - പിന്നെയും ഏകശബ്ദം.
അവർ അതു പറഞ്ഞു കഴിഞ്ഞപ്പോൾ കുട്ടികളെ ഓരോരുത്തരെയായി കൈവെള്ളയിൽ മുല്ലക്കമ്പുകൊണ്ടു ഓരോ അടി കൊടുത്തിട്ടു സാർ എല്ലാവരെയും നോക്കി. ചിലർ ഒച്ചയുണ്ടാക്കിയും ഒച്ചയുണ്ടാക്കാതെയുമാണ് കരയുന്നുണ്ട്. ചിലർ കൈ കുടയുന്നുണ്ട്. എന്തിനാണ് അടിച്ചതെന്നു കുട്ടികൾക്ക് മനസ്സിലായില്ല.
സാർ ചോദിച്ചു : എന്തിനാണ് അടിച്ചതെന്നു മനസ്സിലായോ?
ആരും ഒന്നും പറഞ്ഞില്ല.
ആന വന്നപ്പോൾ സാറിനോട് പറയാതെ ക്ളാസിൽ നിന്നും ഇറങ്ങിപ്പോയില്ലേ? അതിനാണ് അടിച്ചത്. ഇനി മേലാൽ സാറിനോട് ചോദിക്കാതെ ക്ളാസ്സിനു പുറത്തിറങ്ങരുത്. മനസ്സിലായോ?
കുട്ടികൾക്കെല്ലാവർക്കും നല്ലതുപോലെ മനസ്സിലായി.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ